श्री उग्र नृसिंह स्तुति

श्री उग्र नृसिंह स्तुति
〰〰〰〰⚛⚛〰〰〰〰

व्याधूतकेसरसटाविकरालवक्त्रं

हस्ताग्रविस्फुरितशङ्खगदासिचक्रम् |

आविष्कृतं सपदि येन नृसिंहरूपं

नारायणं तमपि विश्वसृजं नमामि ||

चञ्चच्चण्डनखाग्रभेदविहलद्दैत्येन्द्रवक्षः क्षर-

द्रक्ताभ्यक्तसुपाटलोद्भटसदासंभ्रान्तभीमाननः |

तिर्यक्कण्ठकठोरघोषघटनासर्वाङ्गखर्वीभव-

द्दिङ्मातङ्गनिरीक्षितो विजयते वैकुण्ठकण्ठीरवः ||

दैत्यानामधिपे नखाङ्कुरकुटीकोणप्रविष्टात्मनि

स्फारीभूतकरालकेसरसटासङ्घातघोराकृतेः |

सक्रोधं च सविस्मयं च सगुरुव्रीडं च सान्तः स्मितं

क्रीडाकेसरिणो हरेर्विजयते तत्कालमालोकितम् ||

सुरासुरशिरोरत्नकान्तिविच्छुरिताङ्घ्रये |

नमस्त्रिभुवनेशाय हरये सिंहरूपिणे || 

#अघोर #अवधूत #आर्यवर्त #श्री_उग्र_नृसिंह_स्तुति